ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

អតីតមន្ត្រីជាន់ខ្ពស់បក្សប្រឆាំងលើកឡើងពីភាពខ្សោយដែលនាំឱ្យរលំរលាយគណបក្ស

  • ចុះផ្សាយថ្ងៃទី០៩ ខែមេសា ឆ្នាំ២០២៣ ម៉ោង ១៣:៥៣ នាទី ដោយ Hun Sirivadh
  • 1498
  Aa |   aA

ភ្នំពេញ៖ មន្ត្រីជាន់ខ្ពស់គណបក្ស៣ ដែលធ្លាប់កាន់ការជានាយខុទ្ទកាល័យគណបក្សហ្វ៊ុនស៊ីនប៉ិច គណបក្សរាស្ត្រនិយម និងគណបក្សសង្គ្រោះជាតិ លោក គង់ ហ៊ុនធារិទ្ធ បានទម្លាយពីភាពខ្សោយរបស់ក្រុមប្រឆាំងដែលនាំឱ្យគណបក្សទាំងនោះរំលំរលាយបាត់បង់ជំនឿចិត្តពីពលរដ្ឋនោះគឺដោយសារភាពលោភលន់ អសមត្ថភាព គ្មានយុត្តិធម៌ អត្មានិយមប្រជែងបែងជើងគ្នាក្នុងតែបក្សរបស់ខ្លួន។

ថ្លែងក្នុងពិធីមួយនៅស្នាក់ការកណ្ដាលគណបក្សប្រជាជនរាជធានីភ្នំពេញ លោក គង់ ហ៊ុនធារិទ្ធ ដែលមានវ័យ ៦៥ឆ្នាំនេះបានថ្លែងថាលោកធ្លាប់ឆ្លងកាត់គណបក្ស ៣រួចហើយឃើញថាគណបក្សទាំងនោះគឺគ្មានសមត្ថភាពដូចគ្នា។ លោកបន្ថែមថាទាំងគណបក្សហ្វ៊ុនស៊ីនប៊ិច គណបក្សរាស្ត្រនិយម និងគណបក្សសង្គ្រោះជាតិគឺសុទ្ធតែជាបក្សដែលគ្មានសាមគ្គីផ្ទៃក្នុងមានជម្លោះជាច្រើន។

លោកថា៖ «កុំថាឡើយមានសមត្ថភាពដោះស្រាយបញ្ហាជាតិសូម្បីតែបញ្ហាផ្ទៃក្នុងរបស់បក្សក៏គ្មានសមត្ថភាពបង្រួបបង្រួមផ្សះផ្សាផ្ទៃក្នុងបក្សនោះឡើយ»។

លោកបានលើកពីឧទាហរណ៍នៃគណបក្សហ្វ៊ុនស៊ិនប៉ិចក្នុងឆ្នាំ១៩៩៧ ដោយសារតែមេបក្សអសមត្ថភាពដកមន្ត្រីស្មោះស្ម័គ្រនឹងបក្សដែលធ្វើឱ្យបក្សបាត់បង់ទំនុកចិត្តពីប្រជាពលរដ្ឋបាត់បង់សំឡេងឆ្នោតមកនៅ ០កៅអីដូចសព្វថ្ងៃ។

លោកថា៖ «នៅឆ្នាំ១៩៩៧ អតីតមេបក្សហ្វ៊ុនស៊ីនប៉ិចអសមត្ថភាព គ្មានគុណធម៌ ដកមន្ត្រីស្មោះស្ម័គ្របក្សដកមន្ត្រីដែលគេលះបង់កម្លាំងកាយចិត្តទាំងធនធានត្រូវអតីតមេបក្សនោះដកក្រវាត់ចោលដោយគ្មានកំហុស មានជាអាទិ៍ដូចរូបខ្ញុំបាទ ជាពិសេសសម្ដេចក្រុមឃុន នរោត្តមសេរីវុឌ្ឍ ត្រូវមេបក្សនេះដកពីអគ្គលេខាធិការគណបក្សនិងពីឧបនាយករដ្ឋមន្ត្រីយ៉ាងអយុត្តិធម៌។ ទង្វើគ្មានសុភវិនិច្ឆ័យគ្មានសច្ចភាពនៃអតីតមេបក្សគ្មានសមត្ថភាពនេះធ្វើឱ្យហ្វ៊ិនស៊ិនប៉ិចបាត់ប្រជាប្រិយភាពបាត់បង់ការគាំទ្រទាំងស្រុងពីប្រជាពលរដ្ឋធ្លាក់ពី ៥៨កៅអីមក ០កៅអីនេះជាការពិត»។

លោកបន្ថែមថាមេដឹកនាំអតីតបក្សសង្គ្រោះជាតិដែលត្រូវបានតុលាការកំពូលរលាយបាត់រូបក្នុងឆ្នាំ២០១៧ ក៏ដូចគ្នាដែល ព្រោះថ្នាក់មេដឹកនាំគណបក្សនេះចិញ្ចឹមចិត្តមិនចុះសម្រុងនិងគ្នាតាំងពីដើមរៀងមកដោយសារមហិច្ចតាអំណាច ខណៈលោក កឹម សុខា ចង់លេងផ្លូវកាត់ឃុបឃិតជាមួយបរទេសដើម្បីផ្ដួលរំលំរដ្ឋាភិបាលស្របច្បាប់ថែមទៀត។

បន្ថែមថាបន្ទាប់ពីស្គាល់អស់ពីចរិតរបស់បក្សប្រឆាំងដែលលោកចំណាយពេលនយោបាយអស់ជាង ៣០ឆ្នាំមកនេះឃើញថាមានតែគណបក្សប្រជាជនមួយប៉ុណ្ណោះដែលរឹងមាំ មានសាមគ្គីភាព មានគោលនយោបាយច្បាស់លាស់សម្រាប់ប្រទេសកម្ពុជា ថែរក្សាសន្ដិភាព ស្ថិរភាពសង្គម និងការអភិវឌ្ឍន៍។

លោកបន្តថា៖ «ចំណុចវិជ្ជមានទាំងនេះហើយដែលខ្ញុំបាទសម្រេចចិត្តចូលរួមជីវិតនយោបាយជាមួយគណបក្សប្រជាជនកម្ពុជាដើម្បីមានលទ្ធភាពបម្រើប្រជាជន និងប្រជារាស្ត្រខ្មែរសម្រាប់នាទីចុងក្រោយនៃជីវិតខ្ញុំបាទ»។

លោកយល់ថាទាំងថ្ងៃនេះ និងអនាគត គណបក្សប្រជាជននឹងនៅតែរឹងមាំ មានសាមគ្គី ដែលនាំឱ្យមានជ័យជម្នះជានិច្ចតទៅផងដែរ៕


ព័ត៌មានជាច្រើនទៀតសម្រាប់អ្នក